Pyetja: “Ç’është dispozita e manifestimit të ditëlindjes së Pejgamberit ﷺ, duke pasur për qëllim përkujtimin e Sunetit të tij ﷺ?”
“SubhanAllah ue bihamdihi! Përkujtimi i Sunetit të tij ﷺ nuk ka një kohë të caktuar. Përkujtimi i Sunetit të tij bëhet në çdo namaz, në ezan, në ikamet dhe në mësime. [Themi:] ‘Dëshmoj se Muhamedi është i Dërguari i Allahut.’ Lexohen ajetet:
‘Thuaj: Kjo është rruga ime; unë thërras tek Allahu…’
(Jusuf, 108)
Pra, kjo nuk ka një kohë të caktuar. Kush ia cakton asaj vetëm një kohë të veçantë, ai ka lënë mangët diçka nga e drejta e tij ﷺ.
Pastaj, madhërimi i ditës për të cilën thuhet se është dita e lindjes së tij ﷺ, është një çështje e shpikur më vonë në këtë umet. Nuk e kanë vepruar atë sahabët, as tabi’inët dhe as pasuesit e tabi’inëve. Madje, kjo risi nuk u shfaq deri në shekullin e katërt [hixhri].
Këtë festim të Mevludit e shpiku një grup i mallkuar, Fatimidët heretikë. Ata ishin heretikë dhe ishin ata që e shpikën këtë.
Pastaj, kjo çështje është problematike nga dy aspekte:
Së pari: nga aspekti se është një risi e shpikur në fe. Çdo gjë e shpikur [në fe] është bidat dhe çdo bidat është devijim.
Së dyti: nga aspekti i përngjasimit. Ata që e madhërojnë ditën e lindjes së tij ﷺ, përngjasohen me të krishterët.
Pra, në të gjenden dy të këqija: e keqja e përngjasimit dhe e keqja e bidatit. Prandaj, kjo është një çështje e qortueshme.
Ndërsa dërgimi i salavateve mbi të Dërguarin ﷺ dhe përmendja e të drejtave që ai ka ndaj nesh, nuk kufizohen në një kohë të caktuar. Në çdo kohë duhet ta kujtojmë këtë çështje dhe t’i shtojmë salavatet mbi të ﷺ, ditën e xhuma dhe në ditët e tjera.
O Allah, dërgo salavate dhe selam mbi robin dhe të Dërguarin Tënd!
Ai ﷺ përmendet në çdo namaz. Në çdo namaz, gjatë teshehudit, përmendet, i jepet selam dhe dërgohen salavate mbi të:
‘Es-selamu alejke ejjuhen-nebijj… Allahumme salli ala Muhammedin ue ala ali Muhammed…’
Dhe kjo bëhet edhe në shumë raste të tjera.
Përveç kësaj, në festimet e Mevludit ndodhin edhe të këqija të tjera, si shirku dhe teprimi në lavdërimin e të Dërguarit ﷺ. Gjithashtu, nga kjo mund të lindë edhe përzierja e burrave me gratë në ato tubime që përmenden. Pra, në to ka të këqija të ndryshme.
Prandaj, vetë baza e këtij festimi është e pavlefshme, dhe po ashtu veprat e këqija që i bashkëngjiten atij janë të pavlefshme dhe të qortueshme.”
Abdurrahman bin Nasir El-Beraak
Lexo edhe:
