1- Hadithet e transmetuara rreth vlerës së “Natës së Regaibit” dhe Namazit në të janë hadithe shumë të dobëta sipas ekspertëve të kësaj lëmie (Hadithit).[1]
2- Hadithet e transmetuara për vlerën e Namazit në gjysmën e Muajit Rexheb janë hadithe të trilluara.[2]
3- Festimi i natës së (27) me pretendim se kjo natë është Nata e Isra-së dhe Mi’raxh-it nuk lejohet, sepse kjo nuk është transmetuar prej Pejgamberit (salAllahu alejhi ve sel-lem), bile nuk ka argument se Isra-ja ka ndodhur në këtë natë.[3]
4- Hadithet që flasin për veçorinë e agjërimit në Muajint Rexheb, të gjitha janë hadithe të dobëta, por njeriu agjëron ashtusiç ka agjëruar edhe në muajt tjerë.
5- Thënia, apo Dua’-ja: “O Allah na beko neve Rexhebin dhe Sha’banin, ndërsa na mundëso ta arrijmë Ramazanin” nuk është prej thënieve të Pejgamberit (salAllahu alejhi ve sel-lem).[4]
6- Nuk lejohet që të veçohet ky Muaj nga muajt tjerë me lëmoshë për të vdekurit.
7- Çdo lutje e cila përdoret në veçanti për këtë muaj është e shpikur dhe risi.
8- Nuk lejohet veçimi i këtij muaji për vizitë të varrezave, sepse kjo vizitë mund të bëhet në çdo kohë.
9- Nuk ka ndodhur ndonjë ndodhi e njohur historike në këtë muaj, thotë Ibn Rexhebi: “Nuk ka diç të vërtetë (në kësi lloj transmetimesh), është transmetuar se Pejgamberi (salAllahu alejhi ve sel-lem) ka lindur në natën e parë të këtij Muaji, mirëpo nuk është e vërtetë”.[5]
10- Veçimi i këtij muaji për I’tikaf nuk është transmetuar prej Pejgamberit (salAllahu alejhi ve sel-lem).[6]
Dr. Muhammed el-Hebdan
Përktheu: Ali Ashani
[1] Ibn Tejmije.
[2] Ibn el-Xheuzi.
[3] Ebu esh-Shameh el-Makdisi
[4] Ibn Rexheb el-Hanbelij.
[5] Ibn Rexheb el-Hanbelij.
[6] Ibn Tejmije.