E dimë se mendimi i mirë ndaj Allahut është një prej veprave dhe adhurimeve më madhështore të zemrës.
Gjithashtu, jemi të vetëdijshëm se mendimi i mirë ndaj Allahut në gjendje rehatije, gëzimi, lumturie, apo pas arritjeve të qëllimeve ose realizimit të duave, nuk është adhurim i vështirë, ndoshta është spontan, por çka nëse gjendja ndryshon?!
Nëse privohemi nga ndonjë mirësi, nëse sprovohemi me diçka , nëse gjendemi në rrethana të vështira, çfarë kahje do të marr mendimi ynë për Allahun?!
A do të ndryshojë? Kë do ta fajsojmë? A do të themi: Pse mua (po më ndodh kjo) ? Çfarë kam bërë (që ta meritoj këtë)? Pastaj, a do të vazhdoj dashuria jonë ndaj Tij njësoj?
Një prej goditjeve të para të shejtanit ndaj robit, në momente sprovash, është tentimi për t’ja ndryshuar robit mendimin e mire të tij ndaj Allahut, si dhe luhatjen në besimin e kaderit si duhet, gjëra të cilat janë shumë të dëmshe për imanin. Andaj, duke qenë se ne duhet ta ruajmë mendimin e mirë për Allahun, dhe se rrjedha e jetës sonë varet edhe nga mendimi i jonë, siç ka thënë Pejgamberi (salAllahu alejhi ue selem) në një transmetim të ebu Hurejras (radijAllahu anhu): Ka thënë Allahu i Lartësuar: “Unë jam në mendimin e robit Tim për Mua”, atëherë, të meditojmë rreth një shkaku që na ndihmon në ruajtjen e mendimit të mirë.
E keni ndjerë butësinë dhe sjelljen e mirë të njerëzve ndaj jush kur gjendeni në sprova? E keni parë se si njerëzit të rrethojnë duke t’i përmendur vlerat e tua, dhe të lavdërojnë me cilësitë me të mira që i dijnë për ty?
A e keni pyetur vetën ndonjëherë pse ndodh kjo?
A me të vërtetë je meritor për këtë? A me të vërtetë beson se ti gjendesh në atë gradë të lartë?
JO! Dije se mirësjellja e tyre ndaj teje nuk është tjetër pos si rezultat i MBULIMIT të Allahut ndaj teje!
Paramendoni se sikur sprovës tënde t’i shtohej edhe thënia e njerëzve : “Kjo është si rezultat i mëkateve tuaja”, sa do të rritej mërzia yte?
Paramendo sa do të kishte lënduar kjo, sa do ta shtonte dhimbjen mbi sprovën që e ke?!
Medito rreth mbulimit të Allahut ndaj teje gjatë sprovës tënde.
Dhe se si, po t’i shfaqte Allahu mangësitë e tua, do të fyenin e nënçmonin ata të cilët po sillen butë me ty.
Dhe kur të lavdërojnë njerëzit ty për sabrin që e bën gjatë sprovës, falënderoje Allahun tënd Bujar që të ka mbuluar!
Përkujtimi i këtij faktit gjatë sprovës, të bënë që ta duash Allahun dhe ta ruash mendimin e mirë për Të.
U cek vetëm një shkak, i cili rrjedh prej emrit të Allahut “الستير Mbuluesi”, ndërsa shkaqe që ndihmojnë në ruajtjen e mendimit të mirë ndaj Allahut në momente sprovash, padyshim se janë të shumta, ashtu siç janë të shumtë emrat dhe cilësitë e Tij të bukur e të përkryer.
Përktheu: Eranda Kosumi
Lexo më shumë: Mendimi i mirë