1.9K
Falënderimet i takojnë Allahut, paqja dhe mëshira e Allahut qofshin mbi të Dërguarin e Allahut ﷺ. Përgatitja e fëmijës mysliman në formë psikike për të agjëruar, atë do ta bëj më të përgatitur për të agjëruar duke e pranuar atë më lehtë, dhe kjo arrihet në shumë mënyra, ndër to:
- Përgatitja e fëmijës me agjërim disa orësh gjatë muajit të ramazanit, ose gjatë ditëve të para të ramazanit, p.sh. të abstenohet nga pirja dhe ngrënia nga namazi i ikindisë deri në aksham.
- Shkallëzimi gjatë gabimeve të fëmijës gjatë agjërimit të ramazanit, duke u sjellë butë dhe me fjalë të mira nëse është në ditët e para që agjëron, duke mos e lënë anash nxitjen e tij që ta plotëson agjërimin deri në aksham edhe pse ka ngrënë ose pirë.
- Të përgatitet fëmija shpirtërisht duke krijuar apo vizatuar gjysmë hënën e muajit të Ramazanit dhe duke e vendosur atë në dhomën e tij personale.
- Përgatitja kutive të vogla, në të cilat do të vendoset një dhuratë për fëmijën, ashtu që këtë dhuratë ti lejohet ta hap vetëm pas përfundimit të agjërimit të asaj dite.
- Vizatimi apo printimi i disa fletave të zbukuruara në të cilat përshkruhet vlera e agjërimit të muajit të ramazanit duke i varur ato nëpër shtëpi ashtu që ti sheh fëmija.
- Dhënia kuraje fëmijës duke e lavdëruar atë para njerëzve të tjerë duke e nderuar atë që gjatë iftareve të ulet afër njerëzve të rritur, duke ia treguar kujdesin që ke ndaj tij dhe duke i përgatitur ushqimin të cilin e preferon.
- Angazhimi i fëmijës me ndonjë punë të lehtë të cilën ai vet e preferon për ti kaluar koha atij më lehtë apo ti lejohet të merr pjesë përgjatë përgatitjes së ushqimit për iftar.
- Dhënia kurajë atij duke i thënë: Mashallah, je shumë i fortë, sepse je durimtar ndaj vështirësive të agjërimit, dhe se je nga ata që kur kanë qëllime të larta i çojnë ato deri në fund.
- Shpërblimi i fëmijës me një dhuratë apo me të holla pas përfundimit të agjërimit për ti treguar se ti mundesh dhe se kjo vepër është madhështore, duke e emërtuar atë si trimi agjërues etj.
- Mos paraqitja e dashurisë dhe pëlqimit ndaj fëmijës që nuk agjëron në prezencën e fëmijës që agjëron, me qëllim që të mos bëhet kjo nxitëse që ai ta prish agjërimin ashtu që ky veprim ta shtyjë atë deri në humbjen e vetëbesimit në aftësinë e tij për të agjëruar.
- Përkujtimi i tij se ka njerëz të varfër dhe skamnorë që janë fëmijë mysliman duke e nxitur fëmijën që të jep lëmoshë dhe duke e përkujtuar për mirësitë e Allahut që ua ka dhënë.
- Ti jepet dhuratë të birit, një kapuç apo një sexhade, që të jetë e tija, personale që ta përdorë atë gjatë namazeve, apo të bijës një hixhab bashkë me një sexhade personale, që ta ketë për kryerjen namazeve përgjatë muajit të Ramazanit.
Sejfullah Sejfuli